唔記得幾時o既一個假期o既一個早上, 周生發o左一個夢, 周生其實發夢o既內容都有o的規律, 唔係o的天災人禍就係係課室入面, 唔知係咪周生其實都仲係好懷念學校o既生活, 又或者覺得自己無好好珍惜以前讀書o既日子, 尤其係係初中時間. 當然周生亦都唔排除自己煲了女王no教室(記住個個係日文NO)之後o既後遺症.
個夢大概係咁的, 周生從走廊走過, 望入窗裏面, 當然好記得係o的玻璃廉窗, 唔知大家知唔知咩係玻璃廉窗, 即係好似窗簾咁但係由三至五塊玻璃組成. 通常學校o既走廊一邊係課室, 一邊可能係望到樓下操場的, 但個夢個feel係比較黃, 好似好warm o既感覺, 個地下都好似係石屎灰色o既地下, 即係好似o的新界村屋feel. 係個窗望入去睇到一個miss, 周生未入去之後不停教o的學生讀自己個名, miss 曾 miss 曾, 仲要好強調個tsang字, 可能個tsang拼音難發音掛, 強調o左幾次, 都有o的嬲嬲地. 周生一邊行佢一邊讀, 終於周生就入到個課室, 但相信唔係由門口入, 可能導演剪o左依段周生睇唔到. 周生又唔知點解記得咁清楚係坐係由右面數過去第四行第二個位, 周生一邊坐低佢仲一邊讀, kui晒手懶爆勁咁, 周生都無咩理佢.
坐底o左, 鏡頭一轉周生聽到葉可X同學(真係以前其中一個同學唻的) 同另一個同學傾偈, 話自己尋日英oral有A, 鬼知佢係考試定測驗, 同埋依班最多都係form 1時o既同學, 葉可X同學其實係問陳元X同學知唔知...(無咩邏輯係正常的)
周生其實係佢地兩個中間, 所以聽到呆o左亦無搭咀, 無理佢地兩條粉皮, 係個櫃桶搵o下野先, 點知有自己o既舊o既, 可能幾年無清個櫃桶, 有o的紙巾, 垃圾..係無銀紙
又再有同學無端端同我講, 原來周生係六月出世(周生係三月的), 周生話:"依...可能係" 可能周生之後申請broadband亂寫比佢知道o左, 可能周生係插班的.
突然miss唔見o左出現o左阿Sir, 可能個堂太悶又剪掉. 個阿sir教econ的, 但周生從來無講過econ, 吹脹. 我理佢都傻, 自己拎個ndsl出唻打兩野先, 突然佢行理唻, 周生唔夠pok又收埋o左..XD
依個阿sir又懶勁咁問..咩叫做Sa A, o的同學問佢係咪Sake A, 即係日本米酒A, 個阿sir仲話係最高級o既Sake就叫Sake A, 周生立刻好串咁彈起身(因為覺得自己好啦勁同要串佢), 問佢咁最低係咩? 佢好無奈同一臉尷尬, 唔知點答, 周生咪話, 大約五六級應該都到F到啦, 全班都不知幾支持周生大笑. 周生再反問佢知唔知有一隻好Hit o既Sake 叫Sa Hit, 全班諗o左陣當場笑爆, 阿Sir即刻無晒面...仲問佢係咪成要有飲...XD
個夢完之前好有o的日劇feel, 係周生出場o既同時, 話個個周生其實係五年之後既周生, 用時光機返返去五年前專串老師o既特派專員, 擁有三個degree o既小學生(XDDD又係事實o既)...Zoom埋周生個咀道, 奸笑, 出字幕同唱歌..呵呵
個夢其實都幾好玩, 因為周生起碼現實一定唔用做埋o的咁夠pok o既野, 二唻其實依個周生一定識好多野玩死o的先生, 唔知有無下一集呢???
下次再講睇完女王no教室的感想...
沒有留言:
發佈留言