大學日誌

日誌更新日期:2001/07/27

七月廿六日 颱風過後好多人呀~~

因為玉兔掠過香港令到香港又要打八號波,所以今日放工特別多人,皆因好多貨櫃車要快快去交收,所以都大為塞車. 我地走時搭地鐵都逼地隻狗咁. 今日都無乜野好做,都係要做埋少少工作跟住就可以全心全意去做百萬富翁啦. 尋晚周生諗到個好好o既方法簡單o的做,唔駛好似之前咁煩,都幾開心o家~~haha...聽日就要present埋個admin index page,應該都會做得晒o既,希望大家祝福周生啦~~拜拜啦~

七月廿二日 病癒了

周生今個星期唔係好舒服呀,所以都休息o左幾日呀,工作室咁就無update到啦. 不過,周生今日已經好返好多啦,大家唔駛咁擔心啦. 周生今日搞o左成日電腦,因為先前實在download得太多東西,所以都要執執佢啦! 依家又要執啦~~

七月十五日 Lan成功了!

好耐又無同大家見面啦,皆因周生部腦又神神地,所以把心一橫又格性化了它. 同埋周生又想用部舊機去share個internet,所以花o左幾多時間去整啦.

今個星期都無乜特別,因為表弟星期二就走啦,所以周生都同佢去o左買野,買個mp3手提機,係黃金行o左好多轉先至搵到,部mp3機雖然好型同好細,但係價錢都不菲,真係都唔少野.

尋日,就同中七班同埋去食buffet呀,因為同富仔食o左兩次下午茶,所以都無乜食野呀~~唔係咁抵咁啦...不過就可以同Miss傾偈o的近況啦,同埋睇o下同學依排點啦. 周生都係要整埋o的野先,遲o的又傾過.

七月六日 我們成功了!

尤特終於係萬眾期待,雷霆萬鈞,驚濤骸浪,龐龍巨鳳之勢經過香港啦! 咁所以周生又係可以無端端放多日假啦,所以有得打多篇日誌比大家睇囉. 今日由於放假,都無乜野好做啦,都係係屋企發呆,同埋發呆o既. 出面就橫風橫雨啦,周生就係工作室發呆囉...haha...今日都無乜野好講啦,遲o的傾啦!!

七月五日 尤特八號波,放工人多多

今日放工特別人多,皆因天文台話就快打八號波,我地都不甘怠慢,一放工就飛去搭巴士. 不過,去到經已人山人海啦,打o左成十幾廿個蛇餅,好采我地最後都上到車. 依家搭車返工都好好,因為周生一落樓下就有得搭啦,一上車就坐到公司咁滯,好方便o下,放工亦如是,可以坐到樓下,真係未試過咁正,唔似得似前返學咁,行 得咁死遠.

周生依兩日做過o的乜?周生已經開始玩flash,因為依個百萬富翁已經要開始做啦!!不過周生仲有一隻game想寫,就係typing of dead 倉頡版啦,因為周生鍾意打字同埋倉頡,做隻遊戲出唻一定好過癮啦! 依家唔講啦,我地都係一齊祈求"尤特快來我愛你"...yeah...放假就好啦!!

七月二日 又放假啦~~真開心

今日又唔駛返工,因為又係紅色啦!! 依兩日周生做過o的乜?? 因為周生買o左張新o既電腦檯,所以有勁多野要執,忙o左幾日. 周生好滿意張新o既電腦檯,因為係周生自己設計然後拎去訂造出唻,所以都有o的滿足感,好似夢想成真咁啦. 依張電腦好大張,其實亦都可以話係電腦檯同書檯o既混合體,而且佢仲可以放兩部電腦o家. 不過,就仲有好多野未執好啦,又好多雜誌周生都未睇呀,所以都一疊二疊咁放係道,又有好多書未整理好啦,所以周生諗都有排忙啦,哈哈.

令外周生個表弟前日係上海返o左唻香港,唔好以為佢係上海人,其實佢係住係荷蘭,exchange o左去上海,見咁近香港咪唻玩返幾日. 今日會同佢出去唱k o家,仲有佢其他friend啦. 咁樣呀,唔講住啦...遲o的傾過o下

六月二十九日 星期五 第一次係第二道寫日誌喎

你估o下周生依係邊呢,周生其實依家係公司呀!!係第一次唔係自己部電腦寫日誌呀,真係好好玩. 你問周生依家係道做緊乜?
咪就係係道等食飯囉~~ 因為又就唻 lunch time 啦,yeah!! 今個星期,周生都係集中做web page,寫o下asp咁啦,因為要寫一個admin
page比個editor用呀,仲要學埋點樣同SQL server做communication,聽落好似好難咁喎,不過好彩周生以前都經已有寫ASP o既經驗,所以今次寫個admin
page就唔係咁難o既,因為個三八工作證其實都係用ASP去寫嘛,當然個page仲包括好多html同javascript o既東西啦,係依道就唔想講咁多啦~~個page應該好快整好o家啦,希望遲o的有得比大家睇o下啦,周生要去食飯啦,周生要去食飯啦,拜拜~~~

六月二十五日 星期一 一年一度瑞陽節

雖然周生晨咁早起身,但係今日都係無特別野做. 周生都係係屋企睇o下電腦書,學o下電腦野咁啦. 當然要預備o下公司o的工作啦~~ 講返星期六日,周生都係係道攪工作室,加o左幾篇電腦站o既稿,大家得閒記得去睇o下啦. 唔講咁多啦...都係返工好玩o的..^^

六月二十二日 星期五 學呀學呀!

因為仲未有真正o既工作可以做,所以今日都仍然係道學野啦! 學乜? 學SQL server (係database software by Ms la...)喎...周生真係一o的都唔識,就連install周生都唔係好掂,不過玩玩o下都了解到依個係o的乜野,不過就仲未落手落腳去做.

另外,因為學校派o左doctor唻觀摩我地,當然仲會問o下我地有乜野係需要啦,有乜想改善. o的Doctor都好好人,聽我地講又幫我地提出需要啦. 都係咁啦~~今日無乜野講啦...遲o的見喎...

六月二十一日 星期四 著返正常服裝,自然好多o既

你都知返得office工都要莊重o的,所以我地都好"認真"咁著o左恤衫返去啦,點知原來係完全唔係o個回事,個個都好casual<--(唔係 causal呀,又唻signal啦,Haha),好自然,咁我地當然要跟隨啦,所以今日比較舒服一o的啦. 講返做野,周生今朝就同強仔去operation o個邊做野,o個邊o既工作好"充實",時時要望住個mon,好似做"食蕉". 通常o的同事都係係道打機,玩icq...haha, 因為都真係幾悶o既. 我地最感興趣o既,莫過於係有部電腦可以做capturing,即係可以將錄影帶變返做電腦睇到o既format. For example, 澳門賽馬會會寄帶比公司,公司會將帶變成wmf或者asf. 之後,就可以放上個server 道啦. 人地只要一click,就可以立即睇, 因為個server係用o左streaming o既技術,都幾好玩. 不過,之後我地就只有係間大房道睇書, 睇雜誌...haha. 食完飯返唻, 公司話有人會教我地砌server,玩玩Linux,不過都係教我地install. 裝完之後, 我地就係道自己玩啦,想裝icq玩玩??係Linux係好鬼死難,就連解壓都係一門學問,所以我地都知道為啥Linux唔流行o既原因啦..yeah! 無野o既,有難度先好玩o家嘛,所以我地最後都成功o左裝一個,不知係第三個失敗之後,都好o既,學o下其他野先有進步嘛,係咪??? 聽日會點?? 睇聽日囉...

六月二十日 星期三 返工第一天,見識多一點

今日係周生第一次第一日係office返工呀,由於係第一日返工,所以都早一o的先返,不過返荃灣都幾正,因為落街架巴士唔駛行五十米就有得搭,一搭就到 公司啦,真係好少咁鬼方便啦! 返到公司,坐o左一陣我地又返去青衣母公司去了解一下情況,睇o下錄影帶咁,知道一下公司係做o的乜o既. 我地又同個董事見面, 佢個人都幾nice,帶o左我地落去其他部面睇睇. 由於公司其實係做模具, 好似係電話個殼,電視機個殼咁啦! 佢同我地講, 如果係以前要做模, 要用人手去畫, 人手去做, 唔單只係好慢, 而且亦唔係好準確, 所以今時今日都係用電腦同先進機器去做. 依家o既機器, 佢可以係比幅圖佢,就會自己generate一個模o既prototype出唻,又靚又快,所以就可以係好早o既時間就知道有無錯,及早修改就可以大量生 產,大大減低製造o既時間.

返到去Data Centre,我地就開始了解自己o既工作啦,不過因為上次去參觀都有睇過Data Centre入面o既東西,所以都熟o左好多啦. 之後,就當然係搵返自己個位啦,周生終於都有機會試o下坐office檯啦,都真係幾大張o家,而且又有自o既電腦,都真係幾high...haha.

當然,我地識o左幾個同事啦,仲同佢地出去食飯,佢地都好好人,同埋好年青o下,所以都玩得埋o既. 佢地係Web design o個個team o家,所以整homepage係佢地o既profession,周生諗都係要跟佢地學多o的野,增進自己對寫web o既經驗啦!

六月十九日 星期二 終於戰挑完SDS啦

上次咪講開抽生死簽o既?? 周生真係未試過咁好彩,有成八十個籌,但係周生竟然可以抽到第四籌喎,都從未試過咁鬼死好彩啦...haha,而且今個sem o既成績都OK滿意,所以心情都唔錯啦!至於個Final Year Project做o的乜?遲o的話你知!

之前咪同大家講周生會係香港做野o既? 係IAS之前,SDS (Student Development Services,學生發展事務署)搞o左三日o既day camp,主要係同大家玩o下遊戲,教o下你出面工作有乜要注意啦. 未去之前,周生都會覺得好鬼死悶,唔知去唻做乜,不過,去o左之後,周生就發覺幾有用呀. 因為佢地都教o左我地好多野,好似叫我地有危機感,要勤力o的,充實自己去面對未來,因為實在太多國內o既學生同我地兢爭. 另外,又教我地乜野係雙贏,主要都係一o的好好o既做人思想,教我地多o的係人地o既角度去諗東西. 係第三日,周生就覺得教o左好多野,因為教o左我地好多係公司上一o的問題o既實際要處理o既事項,周生遲o的係依一道講o下比大家聽呀! 總之一句,以前可能會覺得自己應付到o既事情,經過三日o既學習,發覺自己都仲係有好多野要教,好多野未曾掌握,咁就希望係際實o既工作環境裏面可以學習 到更多啦!Yeah!

六月十五日 星期五 唔落雨...好似唔係咁慣喎...

今日周生都幾開心,因為gpa今個sem又有回昇o既蹟像,都係一件好事...(其實係周生year 1時勁懶,gpa太低,所以今個sem考得ug差都昇啦,周生又一次戰略成功...yeah)

話時話,今日(今晚)因為依家係早上五點(未訓),周生就要去抽生死簽. 問乜係生死簽??其實係生死簽,就係去揀我地o既FYP (Final Year Project), 亦即係我地o既畢業習作(依個名好弱雞o下),而學校就係實行抽波波大行動,每人有獎,永不落空. 每人會抽一個number囉,見大o既就玩完囉...細o既都未必好,因為都揀到o既又未必一定好做. Haha...所以先命名為......"生死簽".......

六月十一日 星期一 暴暴暴...又唻啦

都唔知搞乜東東,一連幾日都係暴雨警告,黃雨就常掛,紅雨就得閒掛,黑雨周生諗都就唻掛...你都知周生都係新界居民,見到上水浸到豬頭咁都咪話唔慘,消 防員經常都要出動去救人,真係辛苦啦...依家都係早上七點半,周生都未發覺個天開始唻料,不過黃雨就已經掛住啦...周生諗o的雨都唻緊o家啦!今日仲 話約o左阿富仔出街買四...唔係..去買game o者..大家唔好有歪念呀..haha...
之前都講過地方放o左好多野出唻,就連柯南都有得睇,所以周生都有download唻睇,發覺越睇越好睇,唔知點算好...周生可能會買一套返唻啦!到時再同大家會報. 好,今日係咁先,大家加油啦!

陸月狗日 星期六 紅暴未減,駐家食飯

周生依兩句好似無乜"喇能",不過又真係形容緊今日周生行程. 你都知落雨落到阿媽都唔認得啦, 所以周生都留係工作室等運到. 今日最主要都係做o的download同埋燒碟o既工作,皆因地下放o左好多野出唻(周生諗你地都係唔明,而我又唔講得喎...欲知詳情,依個貓問周生 囉..嘿嘿嘿)download o的野多到次次都塞爆個harddisk所以唔燒唔得. 雖然用o左周生好多隻CD-R,但係今日收穫都幾豐富^^. 因為出街都係變落湯雞,所以周生都係留返係屋企食飯啦...無乜野講啦!!遲o的見啦

六月八日 星期五 紅暴風雲,雨不停下

今日周生訓o左一日,真係開心啦!因為周生好耐都未訓得咁耐,完全好滿足啦...不過,又覺得自己懶o左少少,所以就立刻update o下個工作室先啦! 今日其實都無乜野好講啦,因為都係放假日子,成日留係屋企. 不過尋晚周生就同阿富仔裝返隻石器唻玩,發覺個感覺好唔同啦. 入到去當然唔同以前咁多人啦...人影都好少見啦..^^所以同阿富仔搵到o的人就不斷吹水...講返以前玩石器開心o既時光...不過依家都好難好似以 前咁咁多人一齊玩啦~~不過,所謂舊不去,新不來,做人都係要向前看o既...

六月五日 星期二 復活的周生

考試已經玩完,周生又再時可以寫日誌啦. 今期有乜野講好??一係講o下周生依排鍾意做乜啦! 周生近排鍾意睇亞視喎,睇依個百萬富翁呀!我覺得個遊戲幾好feel,o的配音做得好似好緊張咁,有時都想玩埋一份,不過周生知識太少啦!如果問周生歷史 同地理,都係一定死的. 不過依個節目又真係幾好,除o左可以比觀眾拎獎金之外,仲可以學到好多野,大家得閒記得去睇o下啦!!

周生聽日又要去interview啦!唔係見工, 係in學校個乜MEEE...EEEEBM因為我都唔記得幾多個e係中間, 全名係Master of Engineering in Electronic Engineering with Business Management,大家可能好奇怪, 點解周生會搞埋o的business道呀, 其實依一科係business同我地自己department開o既一個master course, 周生相信香港係似商業為基礎, 點都要識返少少management同business o既野啦, 所以都想讀o下, On the other hand,依個course只係讀多一年, 所以諗落都幾抵啦!希望周生有得讀啦! 今日講住咁多先啦, 聽日又唻過!

五月十九日 星期六 考試前的掙扎

唔掂, 成兩個月無update工作室, 皆因周生工務繁忙, 無乜時間去寫日誌呀, 係係道首先講聲唔好意思呀. 周生之前咪講過, 會返大陸training o既?? 但係由於種種o既關係, 周生都係要留返係香港train啦..^^ 咁都好o既... 因為可以繼續update工作室, 大家咪有多o的野睇囉. 周生前日先至去o左香港間公司睇野, 嘩~~發覺超pro. 依間公司係一間data centre,乜野係一間data centre?? 我之前都唔知, 原來係一間幫o的公司放server o既地方...provide一個好舒適, 安全, 穩健o既地方放佢地個server...有幾呀...絕對好勁.

首先, 放server當然有network, 佢地公司自己有好勁o既switch同router, 你唔駛理乜係switch router啦, 總之就好勁, o的機都要十萬八萬啦. 我地入到睇佢o的hardware, 即係睇到佢地o的櫃同晒o的server, 真係比o的線都嚇親, 勁多光纖, 超齊整, 好大札 ,唔臘撻, 公司o的人不斷係道介紹o既時候,o的terms完全唔明,好似講外星話咁, 雖然都係講電話野, 但係唔知點解都係聽唔明, 可想而知佢地幾pro, 周生諗佢地每個月都至少20k,唔係野少. 講到話o的機安唔安全?? 依個係一個絕對o既信心保證, 佢地"風火水電"都做得好足, 唔係做魔法師出魔法喎..."風", 就係佢地o的機係用風冷, 因為好多時都無水, 所以唔會用水冷. 而"火", 就係間野好防火, 牆身係用特別物料造o既, 非常強勁. "水", 其實係要唻救火, 不過又唔係亂咁救, 因為你知電腦係遇水必死無疑,實short到阿媽都唔認得,所以佢地都用乜乜M3000去救火(個名係周生作,唔記得,不過大約係咁), 用o的咁o既number去形容一樣野, 你都會覺得好勁, 比你有一個信心o既保證. 電腦無"電"就等如玩完, 所以公司比電電腦都會好穩定,除o左用UPS之外,大家唔好似為UPS係乜乜速遞, ups=uninterruptible power supply,睇個名你都大約知道點解啦o下? 佢可以當突然停電時變成一個電池. 當然,ups只係一個暫時o既電池, 公司樓上天台仲有個用電油發電o既發電機, 所以無電都唔駛怕啦! 所以話依間野都幾勁呀, 不過周生都今時今日都唔知入去做乜鬼, 如果知道o既話再講比大家聽啦!

三月九日 星期五 又唻DSP tutorial...周生今日無乜出聲呀

大家都知周生好多野講,有時都無乜收口,加上又試過去Sit人地堂,所以周生經已比tutorial 條友點相. 有時佢都已經好想叫周生出去做數,可惜周生機智過人,多次避過劫數(好多都比周生屈o左出去做數...haha)但係今日就仲驚,皆因係can撞正個 tutor,比佢點相中點相,唔認得就出晒奇,所以周生就一邊食tea一邊狂做返o的tutorial,免得佢一陣叫周生出去唔識做,咪死?上到堂,周生 今日表現出一個奇靜o既態度,好乖咁係道聽,因為好多tutorial周生都唔識做,真係好死啦! 不過,都好好彩,無叫到周生出去,總算執返身彩. 不過我諗我下次無咁好運啦,希望唔好咁快要做數啦>.<

三月七日 星期三 interview等好耐呀...

今日終於都要去interview啦!!周生咪講過我地有個叫做IAS o既東東o既,就係我地要返一o的大陸公司做trainee, 今日終於都要返去interview,睇o下有無得train囉. 周生去in間公司都唔係好遠,由深圳坐車只係大概半個鐘頭. 沿途景緻優美,空氣清新,道路兩旁種滿七彩繽紛的花朵,在燦爛的陽光底下爭研鬥麗...唔好意思,又作文添...講講o下我地又到o左間廠啦!!我地一去 就坐陣,briefing 一輪之後就去食飯...真係好勁...雖然我地張檯只係得十個人到,但係就七(食送)一湯,白飯由裝,方死食你唔飽咁...最後仲有一大碟饅頭,食完真係 飽到上心口啦!! 食完野,o個道o既人員就同我地介紹o左一o的生活o既事情,例如要注意飲食,因為肝炎率好高o家!!之後,我地就好熱切期待咁去廠房參觀,間廠其實係做 電腦火牛之類東西,我地由佢做電版到人手後期加工都睇到,真係好精彩,真正咁睇到一間工廠o既運作情況,而且仲學到好多野. 睇到之後,都差不多係時候interview,不過真係等o左好耐,周生諗大概等o左有成兩粒鐘呀!坐坐o下都好眼訓,無乜狀態添...不過最後都in到 啦! 結果就仲未知呀...周生遲o的講你聽啦!

二月廿八日 星期三 濕度達到93% 好耐無踢波啦...好累喎

今日雖則係dayoff,但係周生因為要係星期六踢師生盃,所以今日就同佢地去練波,神咁早就出o左去啦! 去到都好好彩,因為碰o岩有班中學生係道上PE堂,可以即刻鬥波. 不過,雖然人地係中學生,但係我地仲廢,而且根本無夾過,所以都係咁比人攻. 尤其是周生啦,係勁廢柴,哈哈...都唔知星期六點踢添,希望到時大家都有超水準o既表現啦!

講開又講,如果你記得周生提過有一個叫做IASo既東東,就係我地要上大陸training,我地前日先有人同我地講去邊道interview,但係有o 的人係講o左之後o既後日就唻料,就真係幾急喎,不過o個o的都係係返香港train,而周生就仲未知道幾時先係interview o既時間,不過都會係依幾時,都唔好話唔驚,根本就同見工無兩樣,好刺激o既,到時唔知會唔會口震震,乜都講唔到呢...

二月二十六日 星期一 無乜發生,都幾好呀!

又幾日無寫日誌,皆因都無乜特別事情發生,今日終於都要上個DSP Lab,即係話又要對住o個班勁串lab tech,不過今日都幾好采,無比佢地串親. 阿強都幾勁,周生十點幾先發覺佢無係個lab出現,好明顯佢係唔知醒,所以周生立刻飛出去個lab叫醒佢,果然不出所料,仲未起身,不過可能佢病病地掛, 所以先唔返,周生會聽日返去問佢.

二月二十三日 星期五 太陽又未出

今日又要返Critical and Creative Thinking啦,我覺得依科OOD真係好正,除o左可以高grade之外,上堂仲好好玩,成日都有好多IQ題比你玩,上堂根本就係玩同吹水,認真過 癮. 今日阿Sir係講一o的有關夢o既東西,周生當然都有講o下o的白痴夢,都真係幾好玩. 講開又講,相對於朝早上o個堂CA,簡直無得比. 話說今朝上CA,o個條友仔講o的野簡直係無content,周生就完全"獲益良多"啦...真係想打鑊金,唔返都仲有賺,返o左就喊幾餐...唉... 不過好似之後有DSP補返數. Doctor講返好多以前o的signal野,好似仲明過CFC教o個垃圾...周生覺得其實兩科應該對掉,sem A讀...廢事對住CFC勞氣傷身...好,今日講住咁多先...早抖

又唻異異異 星期四 未出太陽 三八logo終於做好啦!!

依個logo真係搞o左周生好耐,遲遲未做好o既原因係好難做得好,做好靚,不過今晚可能撞親個腦,無端端夜晚又訓唔著,諗諗o下諗到o個咁o既logo 出唻,周生都覺得幾好...唔知你得覺得點呢...周生同自己講以後都唔會改o家啦...哈哈!!依家都成五點啦,可惜周生仲未訓得著,睇o下一陣仲有無 靈感先,可以又會諗到多o的野,不過聽朝仲要上堂,都唔知點算好^^我諗都係快o的訓啦,唔係聽朝又唔知醒啦...

二月易拾日 星期二 有陽光 EPD又唔知做緊乜啦!

EPD絕對唔係EPS,依件事一o的都唔易辦. EPD其實係解作Electronic Product Design,聽個名又好勁啦!我地要分組做一o的電子產品,而我地就要做一個EPROM Programmer,大家可以唔駛理佢係乜,因為平時都好少見,功能就係去program一個EPROM,咁即係無講過...算啦,總之唔係一件簡單o 既事件,我地依組雖然有六個人,而且都並唔係一般武將,當然包括周生啦,但係都毛蟲入手,用到手都震埋...依家先至係剛剛開始,周生諗遲o的我地會知道 做乜掛!

二月十狗日 星期一 天晴 CG好難玩喎!!

今日又唻Computer Graphics啦!我地放o左之後去o左試o下做開放GL,點知比個doctor老點去o左鄭翼之樓道四圍行,原來個lab就根本係uplab...頂 佢...之後仲要比個lab tech串(又係o個個死肥仔啦..哈哈),不過玩o左成半個鐘都仲未show到一張圖,周生諗聽日又要返去玩返,到時比o的圖大家睇o下啦!

二月十六日 天晴 DSP tutor好勁呀...!!!

又有幾日無寫個日誌啦,皆因guestbook有好多固唔到o既困難,不過都一一迎刃而解...haha...你地去簽o下咪知囉. 雖然周生走o左幾日堂,不過今日就返o左去上DSP,個tutor真係好勁,一卵嘴連環不停旋轉噴射式高速咁講o左成粒鐘,講o左我地要做o既 project大概係乜,雖則唔係好明,但係就講得好勁,o的數字係咁砰砰聲咁彈出唻,聽都聽2唔切...哈哈

講開又講,我地o個組做o既係有關JPEG,周生相信比較易少少掛,不過都應該快o的開工啦...廢事遲o的又無時間做啦^^ 加油啦..各位

二月十二日 寫guestbook好忙呀..

由於工作室個guestbook係用asp(Active Server Pages)寫成,所以都需時去研究,所以都用o左好多時間去寫asp,忘記o左要寫日誌添,大家唔好打周生呀. 講返依幾日做過o的乜啦.

星期六好無聊,去o左小蘇豪道打牌,同埋華姐,小雞(小雞依期有新名,我地叫佢雞x,識台語可能知係乜,不過依個名至o岩佢啦!!自己估o下啦)Amy Ma同埋阿龜,周生就上去睇小蘇豪打機,玩埋o個隻PSO,都好無聊,不過上去吹o下水都幾好玩呀!本應星期日都係繼續打o家,不過周生就收埋自己玩 asp,點知到今日仲未玩得掂,周生諗起碼要後日個guestbook先做起啦!!到時一定會比一個耳目一新o既感覺大家!!

講返今日做乜啦!今日只係有一堂叫Computer Graphics,都係一個好數o既科目,好多三角形正方形,睇到你眼"擎擎",見到都怕啦,不過依科佔o既分係最多,都唔知點算,又要寫埋o的開放GL (open GL),買書都買到你窮啦,唔駛讀啦...唉!不過無計啦,都係要頂硬上啦,讀書真辛苦...哈哈!今日係咁多啦,都要訓啦,拜拜!

二月九日 day off仲要返學聽talk...好慘呀>.<

今日全部堂都係tutorial,所以周生其實係day off,唔知點解department又整埋o的死人講座,請o的IAS(Industrial Attachment Scheme) o既公司過唻講o下野!周生好似未講過依個Scheme係乜喎,其實依個scheme係想比一個機會我地拎一o的工作經驗,我地會分配去大陸或者香港一o 的工廠,去睇o下人地點樣生產喎. 至由詳情周生遲o的再大家講啦!!

　

二月七日 海洋公園一日遊,玩到頭暈想作嘔

由於week 1都唔駛上tutorial,所以我地都比較得閒,撞o岩星期三係day off,咁咪去o下海洋公園玩o下囉. 周生雖然前排都去過海洋公園,不過就玩唔晒o的野,可能時間比較少啦!!不過今次就唔同啦,皆因我地平常日子去,而且晨咁早就到,所以一定玩得晒啦. 當然,我地最想玩o既野就係o的機動遊戲啦!!我地一唻就玩o個個乾衣機(狂轉o個隻),點知就出事啦...唔知係咪大家都唔係幾夠訓,玩後之後都暈o下 暈o下,仲有o的想嘔,Ryan因為病病地,所以仲辛苦...不過,由於錢o既關係(比o左錢無理由唔玩),我地都無放鬆,之後繼續挑戰海洋公園o既新招 牌,越礦飛車,果然無介紹錯,真係幾刺激...比起舊o個個過山車好玩好多. 我地之後去o左睇海洋生物,好似海獅同一o的深海魚,o的深海魚有o的都好靚,而且好得意,好似魔鬼魚咁,游水o既時間好型,成隻飛機咁,佢地又好大條, 真係大到你唔信,有成個人咁高,真係好勁o家! 睇o左陣魚,我地又繼續去玩機動遊戲,當然要玩依個海盜船啦...不過好不幸,周生經過三次之後,竟然開始全完唔驚,仲同Sunny同Johnston係 上面諗點樣嗌,仲玩埋估領袖,玩到出神入化咁滯. 我地其實影o左好多相o家,不過唔知晒好未,如果晒好o既時間希望可以post出唻比大家睇o下啦!

　

二月六日 又要返學啦!!

今日雖然係周生第二日返學,不過其實今日先覺得係正式返學,皆因尋日本來係day off...只不過周生add多一科ood,ood係乜??ood其實係out of dicipline咁解..可以話係minor副修咁囉...周生星期一就add o左科唔記得乜鬼sociology,聽日名都嚇死人,入到仲驚,超悶之如又唔知佢講緊乜,所以就一野drop鬼o左佢啦!!不過之後好好彩,唔知點解有 個computer graphic o既elective有位,周生立即add,唔駛講野...橫掂elective都係要讀,早讀遲讀都無乜關係啦!!!不過好似話有好多書要買,到時又唔 知要洗幾錢啦!!!慘啦!!

今日放o左學之後,大家又無堂上,所以都好得閒. 阿強就提議o左去"轆齡"啦!!我地去彩龍大酒樓飲完茶之後就去o左九龍灣轆齡啦!!今日成績都唔錯,周生都有過100分,Sunny就好勁啦!之前都仲 係坑王,之後就上o左身,打出幾個全中,你都咪話唔勁,而阿ben就鑊鑊包艇鑊鑊坑,周生之所以唔包尾都係全靠佢咋!!之後Ada唻埋我地就大開眼界,一 招沉默的打法就雖然唔可以野野全中,但係就唔知點解個部死機detect唔到個保齡球,最高峰時期係一球打六次,無錯..係六次,簡直係做馬,不過都好 在,有時六球都未必保得中,所以我地都勁笑佢啦!!!哈哈...

講講o下,我地又返到學校啦!!!估唔到六點半仲有堂上,依期又係soci,不過今次係sociology of Internet,不過亦都係唔知係乜唻!!我同Johnston唔駛兩個字就做晒爬地熊,訓得都唔知幾舒服. 不過依堂都幾得意,皆因佢由兩個人唻合演一個lecture,第二個比第一個好n陪,都幾好笑o既!!之後佢仲播IT檔案比我地睇,都幾正o家,一定好過 周生之前add o個科無限陪,所以周生諗都係唔會drop o既. 上完堂我地竟然意猶未盡,麥斯咖啡,又再去一次彩龍大酒樓...附近o既茶餐廳食飯...不過就唔駛周生比錢喎...點解呢??
下次講過你聽o下...haha...

二月四日 返學前一日,一個字....慘

都唔明學校搞乜鬼,都放完sem break但係考試成績都仲未得睇,又可能根本未考好卷,又可能o的卷比炸燀狂徒炸晒,一把火乜都無. 依個當然係周生o既假設,如果炸o左就慘...辛辛苦苦考o既試就毀於一旦,周生指唔係讀書辛苦...係入去坐幾粒鐘好辛苦...又無野寫又唔走得... 都幾可憐. 不過算啦,成績聽日就應該有,不過都唔方好得好邊啦...哈哈...不過周生都應該可以返大陸. 做乜返大陸???哦...因為周生o個科有得返上大陸training,不過gpa就要過一個數(依個當然係秘密..唔好比人知呀...^^). 周生都唔記得自己有無講個自己係讀乜不如講o下啦...順便講埋以前o的死黨死晒去邊..唔係唔係..咁樣講唔係幾好...haha...

咁樣,就不如講o下小雞先啦!有無掛住佢呀?係咪覺得佢少o左係香港出現呢?皆因佢上o左去...上 o左廣州讀書,都咪話唔勁. 好似讀o個o的乜野國際經濟與貿易,個名都嚇親人啦,係咪?所以周生都好少見到佢囉!不過佢有時都會返落唻搵我地o既!不過就少o的啦,唔係咪上面o的女 仔正得滯唔捨得返落唻呢...haha...講到阿富仔,都好多時見到佢,皆因我地係一個department,所以有時都一齊上堂,佢就勁啦!讀電屎工 程...呀唔係係電子工程...勁掛!電都電死你啦...yeah!至於小豪都好勁!做師伙(civil土木工程)人喎,第時要倒泥倒屎...呀唔 係...倒石屎...記得搵佢計計先...講o左咁耐,究竟周生o既命運又係點呢?其實周生係讀...計算機工程...唔知係乜?其實係研究計算機o的制 點o禁會舒服o的呀..o的制點擺法呀...個液晶display出幾多個位好呀...咁囉...haha...

二月三日 又要整電腦啦!!

周生依排都砌機砌到手軟,大大話話都砌o左成差唔多十部,部部都唔同料,可謂各式其色. 通常個case都大開眼界,因為個個case構造都唔同,平o既就多數好廢,個樣衰唔在講,而且界手界到飛起,隨時砌機見血,所以都要小心. 至於去黃金,周生覺得好似返到屋企咁,不過黃金對於周生唻講又真係行唔厭,可能有太多野睇,好似樓下o個層有把書,落到去即刻同自己講"學海無涯,回頭是 岸"無論你點勤力,花幾多時間,周生都相信係完全睇唔晒,不過周生都覺得好多都好有用,所以得閒就買本睇睇,不過都好少睇到尾囉!!至於吸引周生o既另外 一個特色,就係黃金有長江,打機唔駛四圍盪. 係黃金行到累又或者等拎貨,就可以去長江打住機等,休息o下都無仿. 唔好似為"長江地方細,機就一定廢",入面乜類型o既機都有o的...由結他機到賽車應有盡有,包你玩到開開心心. 至於周生又愛又悢o既,就梗係高登啦!上面雖然種類好多,但係都唔係話你想行就有得行,好似星期六日咁,你上到去根本係得個逼字,完全係睇唔到好野,而且 好多時都會缺貨,所以要買野都要搵個好日子,唔好咁逼人先至搵到合心水o既! 講講做乜變o左黃金一日遊??無所謂啦,都係同大家分亨一下!! 至於周生今晚係道做緊乜???咪又要整電腦囉...個標題都講o左...整o既係周生阿媽部電腦,皆因周生阿爸要打機,但係唔知做乜買o左張新3D咭返唻 都打到唔流暢,所以成部搬返唻整囉!!結果花了周生數小時就將問題解決o左啦...依家仲快過周生自己部奔騰,不過周生都好少打3Dgame...咪算 囉..呵呵呵!!

二月二日 又係一個大清早,發夢無咁早

周生依幾日又好似無乜整工作室,唔知係唔係覺得o的料太多,以至力不從心,不過周生寫緊日誌o既依一刻都係整緊工作室o既,周生一定會係依兩日攪好工作室 o家(講就咁講...哈哈).今日周生做o左o的乜???就係做豬啦!!係屋企訓o左成日,真係差唔多有成日,不過發o左好多夢...o的夢又真係幾得 意...想唔想聽o下???周生知你實想啦...如果周生無記錯,好似係同一班人(依班人好得意... 全部都識..不過硬係無哩啦更...好似小學同學加中學老師...其實又無咁誇張...不過o的人真係好亂)約埋一班人做乜???周生都唔係好清楚,好似 係玩一o的田徑越野之類o既活動(夠無哩頭呢!!)至於地方周生覺得係一個戶外活動中心,周生記憶之中係無去過(咁先勁!!)周生最記得o個道好黑,係伸 手不見五指o個隻黑法,而周生又只係得一支好細o既電筒,你知周生幾怕黑,所以都幾驚o下...所以活動未開始就起o左身啦!!可謂發夢無哩頭,起身唔駛 愁

　一月二十九日 好凍o既大清早

周生終於都寫返日誌啦...我諗都有成年都寫過,寫o既都斷斷續續. 雖然工作室改建工程尚未完工,但係周生都想快o的加返o的新內容落去工作室. 今日其實講o既野都無乜,可以講o既係今日好鬼死凍,都係係十度到,你都知工作室係一個好高o既地方,所以更加凍,又時周生都係因為凍得淨而好難訓得著, 所以周生都唔係咁鍾意凍天,希望快o的暖返,咁周生就唔駛咁辛苦啦!依...係喎...o岩o岩踏入o左蛇年...周生係道祝各位新年快上(股市唔會上) 同埋心想事成啦...做生意做貨如輪轉,學生哥就學業進步,女仕就梗係青春常註啦,老人家就祝佢地身壯力健...總之個個都好...開開心心咁過蛇年 啦!!