十二月十九日 聖誕節快到,無乜野好做
周生見聖誕又o黎!還掂無乜野好做,寫o下日誌消磨o下時間,同埋咁耐無寫過又真係唔係幾好意思!!
點呀!估到下面兩個極限情況點解決未呀?仲未估到?好難?唔係掛?比o的想像力都得o家啦!其實第一個情況係非常之容易解決o既o者,皆因只時大家諗o下 有乜情況o下大家可以唔駛著皮鞋返學. 無錯啦!就係當你/妳跛o左或者"拗柴"o既時候,大家都會淨係"踢"對拖鞋返學,所以其實你/妳根本可以日日唔著皮鞋返學都得,不過就要日日扮跛,依個 真人真事又咁o岩發生係小豪身上,所以佢一開學就比人叫做跛豪啦!
而第二個極限情況,比第一個更為容易解決,不過就要睇o下你o個日好唔好彩. 好彩又點呀?好彩咪就係可以向同學借條"溫暖牌"頸巾綁住條頸囉!咁就神不知,鬼不覺啦. 不過記得條頸巾一定要夠遮得晒,唔會露出馬腳,但係太緊又會變o左"猛巾纏頸"隨時有生命上o既危險,所以千祈唔要小心.
好啦!解決o左兩條精彩o既問題之後,都係講返周生近況,如果要記o既我相信都係之前城中o既熱門話題---流星雨啦!
話說係一九九八年十一月十七日,一個月不黑,風不高o既晚上,一群數十個無所事事o既青年人,受不住傳媒o既影響,同輩o既壓力,就貿貿走去做一o的九十 二年後之先再會發生o既事,他們抱著物以罕為貴o既信念,人睇我睇o既精神,就算之後要返學都在所不計,咁...佢地就出發啦......時間已經係零晨 o既一時三十分,周生獨個兒差不多已經抵達看星的目的地,只發覺他們的位置奇特,噢!原來他們竟然盤踞係一個菜市場的地上,(解說:菜市場係乜呢?就等周 生係依道講o下比大家聽. 大家唔好以為菜市場係一個普通買菜o既地方,其實係批發菜o既地方,日日天都未光,正確o的係你都未訓淋o既時候,佢地就要運作,買菜賣菜咁囉,如果唔係 你都未必有菜食呀.) 我地望住個天,等o下等o下,都睇唔到星星o既? 反而有光從身邊而來??點解?? 原來運菜o既貨車經已輾到身邊,好采我地身手敏捷,走得快,如果唔係就成為車下亡魂. 之後我地好無聊咁又去o左周生故居o既月球表面睇星星. 你問周生睇唔睇到??都有幾多...不過次次大叫嘩都無o左,所以debby都叫我地下次見到唔好得個嘩字,應該叫錢...先至好喎!!!你又試o下得唔 得呀!!
十月三十日 周生問題大挑戰
得啦得啦!Re:Daydream believer(白日夢信徒),我相信你睇到我依篇日誌o既時候,三八零八工作室都己經有所更新啦...!!
周生今日又諗到o的以前o既過癮野同大家分享,其實係一o的問題,但又唔係o的一般o的IQ題,依o的IQ題除o左係一o的真人真事改篇之外,大家仲可以透過依o的問題o黎學到o的野......
Q1:假如你/妳是一個好乖的學生,一個品學兼優的學生(其實又無乜關係),當你/妳放完一個漫長的暑期,在九月一號壯志雄心,萬事俱備,只 欠.......係啦....當你/妳穿好了所有的校服唯獨是當你/妳打開鞋櫃時,發覺(oh....... shXt),你/妳(漂亮的)黑皮鞋不翼而飛,而你/妳只剩下三分鐘時間回校否則便遲到,究竟怎樣可以安安全全回到學校還能不會受罰呢？
Q2:在一個寒冷的秋季的早上,假如你/妳是一個好乖的學生,一個品學兼優的學生(其實都無乜關係),當你上了回校的車時,才發覺自己忘記打呔!!<<(真係有o的咁o既事)你/妳怎樣避過學校的責罰?你....會點做?
★真正o的答案會係不久後公開,如閣下如有任可答案提供,請醫個貓去工作室★
十月二十九 鄉中超級體育堂,體能測驗做到喪
特別聲明:今日o既日誌係周生識打倉頡以來打得最艱辛o既一篇,皆因...
其實年年都總有一兩日會咁,就係係我地每年o既體測考試. 你都知啦,鄉中都出o左名係體育幾勁o既學校,所以個個學生o既身體都要特別FIT,所以考試都特別殘忍....今日就係年年o既"大日子",其實我應該 學小雞,佢竟然可以唔返學,可想而知體測o既恐怖情度係有十粒星(爆星)諗返起,其實真係唔係幾想提,我地要係十分鐘之內,狂做阿Sir(我地稱之為偉哥 o既東西)o既指定動作,包括引體上昇,Sit Up,掌上壓,舉木凳,同埋踏凳,仲有特別獎品,就係最快時間內完成十九個籃球場圈大約一里o既跑步,真係慘過去死,最正又係富仔,做完九十九下o既掌上 壓之後,就無力做埋其他o既項目. 話時話,周生今次竟然係第一個完成十九個圈o既跑步,後果就係....頭痛,心絞痛,心肌率不平衡,足部及手部積聚大量乳酸(Lactic Acid),雙眼反白,嘔泡.......真係就o黎certify,好彩周生平時都有修練武功,無事無事.......
所以打依篇野...隻手都仲有o的震...震.....
十月二十八日 重陽登高,小心燭火
記得周生寫過o既日誌關於文化科o既問題呀?今日終於都有得apply o下啦!講笑o者,得住拜山要誠心誠意呀,尊重我地o既祖先呀!
話時話,今日都幾無聊,朝早同小豪同埋o的舊同學踢o左一陣波,無乜好玩,跟住就返返屋企啦...不如講o下今年o的陸運會啦!!
今年o既陸運會周生都幾有感觸,因為已經唔再係社長,所以好似都好得閒,無所事事,但係周生都會得閒落o下去嗌o下,幫o下手打氣,真係幾開心. 不過,我就"鄧"富仔唔抵,因為最後一年中學生涯(手羅)唔到佢一百米第n個金牌,(周生咁講都知富仔其實一百米好勁,我未識佢都知佢(手羅)好多牌,而 且顏色好單調,得個金字...唉....周生曾經問過佢之前有無輸過..佢話:"中三o的年囉,唔知點解會輸.....不過二百就未輸過....(我心 諗....車....咁串....haha..講笑o者..話晒係friend.)同埋推鉛球都(手羅)過金牌..." 不過其實今次富仔係犧牲o左個一百金牌換個跳遠金牌..因為佢跳完之後就"拗柴"...所以一米未能全力以赴,做到最好...無線三十一...痴線..又 傻o左...所以情有可原啦...
陸運會o既精彩時刻當然係我地7s畢業班o既比賽啦!我地o既對手有都幾強勁..尤其是係中五o個o 的同學,個個跑得好快. 比賽係要兩男兩女作賽,周生就同富仔肩負依個重任,幸好我地都能夠有第三o既成績,都係靠富仔最後o既淩厲o既衝剌,加上堅毅不屈o既精神.....所以 我地先至有第三呀...不過其實我地同學o既打氣都好重要,我地今年造o既班衫,個個都有著住一齊打氣加油,因此我地跑得特別有拼勁.
講到我地個社,今年可以話豐收啦!雖然我地只係(手羅)到第二,但係我地都獲得好多獎項,周生都已經好欣慰囉!!
十月二十六日 八號風球打唔成,微雨清風又凍病!!!
唉........唉.......唉..........
都無乜野好講!節哀順變啦...唉...打風無得放假o既感覺真係好.....苦......又要擔住把遮硬著頭皮返學去!真慘!不過算啦,真實都預o左佢打唔成!唯有返學啦!為表我對寶絲o既"謝意",特題一詩,望你鍾意啦..好壞都得閒比o的意見.
颱風寶絲克人憎,來勢兇兇力逼人
橫衝直撞菲律賓,犧牲性命百六人
直吹香港有假等,三號風球掛一陣
一個轉彎傷人心,大家一齊打鑊金
一九九八十月二十六日 周生題
十月二十五日 寶絲快o的吹近o的,唔駛返學寫日誌
哈哈!今日周生唔知點解又會想寫日誌..可能係颱風來襲特別有feel啦!所以隨手寫幾篇東西啦!不過,其實依幾個月,真係發生o左好多好多又攪笑又過癮 o既事物,但係無計啦..周生又懶時間又有限,所以唔可以天天更新!不過周生會每次都講返以前發生過 o既有趣事情,保證同大家分享!!
記得我地四蜆依排有個好正o既實驗..當係唔駛係Lab做啦..就係測試o下我地邊個會吸引女仔多o 的. 你估點做呀!haha..真係好攪野..我地諗住貼我地四蜆四張相係張紙道,然後係張相下面有我地四個o既電話,睇o下今晚邊個有電話收到喎..真係幾無 聊,不過我地又未試過..真係唔知得唔得呢...我地成日係哈狄斯就係講埋o的咁o既野...笑到好大聲..跟住加一句"我地係沐X(一間我地o既鄰校) o既學生,唔可以影衰沐Xo既聲譽,真係好狗!!
講o下講o下,我地係道談論識女仔o既方法..我地係學校睇到有個First Aid幾好就o黎點樣去識佢..條橋真係好..你自己睇o下得唔得啦!!
首先,搵一個風和日麗o既早晨..其實無關..不過可以增加情調...係條走廊道等佢行過o黎...當然要當日狀態十足啦...手持一本四至五百頁o既書 (好重要,係一件好重要o既道具,記住一定要夠重..記得記得)..懷者二百巴仙o既信心,迎面走過去....當行到同佢差唔多五呎o既距離o既時 候...好唔小心咁將本書跌在地上....跟住會以對話形式表達,請背熟對白:
書本:pad....(跌書o既聲音)
男同學:(用左手拍在女同學的右肩) 好型及認真地說:"你剛才有否聽到有一聲在這個風和日麗,微風輕吹的早上,破懷這裡的寧靜?"
女同學:(驚呀地說) 是呀..你跌o左本書呀..
男同學:(奇哥語)係?小姐,你真係細心啦!咁都比你聽到添,等我執返佢先!多謝妳(用諴懇o既眼光同親切o既笑容)
女同學:唔駛唔該,我走先啦!
男同學:(好痛苦的樣子)
女同學:咩事呀?
男同學:我我.....我........(=*.*=)<------面紅
女同學:咩事呀?(嚇到淨係識講呢三個字)
男同學:我隻耳仔好似比頭先o既一o下巨響震痛呀...!依家好痛呀!!你可唔可以同我睇o下...或者吹o下佢都無彷呀...
女同學:(身為1st aid.........做!!!!!!)我幫你......
事情發展落去.....唔多適合在此依個咁神聖o既地方出現, 請多多包涵
........就係咁啦...雖則此實驗未得到三八零八工作室驗證,但我地都相信依個實驗都會有一定o既成功率,如果有人仕己經或企圖完成依個"創舉",請與本我們聯絡及提供寶貴意見,多謝!(如以上情節有任何出錯或缺漏稅,請臨場發揚,加油!祝你好運)
八月六日 放榜有感好鬼邪,又雨又雷無帶遮
又嘩嘩嘩啦! 唔係掛..四月>>八月...又話日誌...係囉..點可以隔咁耐呀! 周生只好講一聲唔好意思,咁耐無寫日誌,不過可能遲o的仲耐,因為周生工務繁忙,真係好難抽空寫日誌,只好一次寫多o的啦...好唔好?
發生o既事又真係好多,我諗真係好難講晒出o黎o既,好似師生足球,UNO襲鄉中,依o的都係好有趣o既事...我諗遲o的係大號外有專欄啦!
其實講返今日,真係都好有感觸呀!話晒自己都考過呀嗎!今日周生同同學都係學生做收生o既事務!我地係地下一個班房同人地填o下form呀,幫o下佢呀, 叫佢帶o的乜乜乜乜呀咁囉,不過真係好邪!唔知點解年年放榜都落雨!攪到o的同學幾咁狼狽呀..! 唉...好心啦..個天就唔好玩佢地啦!有o的己經成績唔係幾好啦,仲要比o的雨係咁淋,真係無陰功囉!!不過點都好啦...祝各位前途一片光明,成績一 路見紅啦..呀.唔係唔係..成績一條勁龍...yeah..
四月十七日 星期五 返學大日子,呆滯似白癡
嘩嘩嘩!周生真係好對大家唔住,已經有成個世紀無寫日誌,攪到大家似為周生失o左蹤,其實係假期前後,都有好多事情發生o左,就講o下啦...
唸o下先,其實都係有兩件大事值得記一記嘰,一個就係師生足球,而另一個就係去Prefect個camp.
不如講o下Prefect個Camp先啦.起初,其實我自己都唔係好想去依個Camp,因為已經唔係第一次去,而之前個o的又好像比較悶,所以周生今次都係因為班好多人去,周生之前免為其難,走一趟啦! 不過,周生寫得依篇日誌,都知道今次依個Camp有趣可記.
記得我地今次去Camp個營地,係o係西貢附近,一入到去,比我個感覺就好似好舊,又好似無乜野玩,不禁心中都有o的忐忑不安. 但係世事難料,雖然可以見到玩o既野唔多,但係可能"見唔到"o的野仲好玩,究竟周生講乜野呀?咁深o既??
我地其實係Camp道,玩到一o的集體遊戲,當然又唔係一o的好普通o既玩意啦!其中最深刻可以話係一個叫Trust Fallo既遊戲. 大家應該都有睇過Titanic個可?記唔記得呀李生同肥溫係船頭講過一句乜野說話呀?係啦:YOU JUMP! I JUMP!其實依個遊戲都可以叫做咁. 首先有一個同學企係一個比較高o既地方,然後背著向後跌,當然,佢下面已經有一班壯男係道接佢啦! 但係真係要幾考膽色,因為如果下面o的人有o的放手就死硬,所以你都明Trust Fallo既義意啦!
三月三十一日 星期一 新仔
今日我地終於都生返我地個仔...佢不但只靚仔過我地個舊仔,而且仲氣力十足,彈力超凡,佢雖然cheap過我地個大仔,但係真係好乖,我地都好鍾意佢,希望佢唔好好似我地個舊仔咁曳,走出馬路...跟住就...
三月二十六日 星期三 重臨...
今日係Physics學會出巡o既大日子,皆因我地有機會去聽一個好勁好勁嘰講座,有幾勁呀?原來係由一個囉到洛貝爾物理獎o既人,同我地講o野,周生都話好勁秋o家啦!
我地放o左學就去,係得小豪,小狗富同周生先有咁好嘰機會可以坐阿siro家車,其實我地想慳返o的車錢. 都唔駛三個字,就到o左中大個門口,我地又真係重臨依個地方,因為對上o個次係o黎依道o既開放日,不過個印象就唔係咁好,因為中大比科大無咁好玩,而且 無科大有個無敵海景,所以我地都覺得科大好o的啦! 今次o既講座,我唸都幾多學校都有去,因為有好多學生同我地爭巴士坐,但係o個o的巴士竟然係專車去聽講座,真係巴閉. 架車好努力咁上山,終於都到o左一舊野,入o左舊野就上去聽啦...
入到去都幾多人,好采我地都幾早去到,唔係連位都無得坐,我地得返最後o個排凳坐,而後面就唔知點解不斷不斷有人湧入..攪到好逼!個講座都未開始,狗仔 就做佢日常做o既運動---釣魚,唔知佢釣到石班定泥蜢,不過過多無耐,就有更多人倍狗仔做運動. 其實,個講座個唔係好悶,不過就係全部英文,無NACAM,仲係夾雜美音,所以有點兒難明白. 不過個Nobel Laureate in Physics其實係華僑,係美國出世.
周生無理由係道講個講座o的內容,因為周生都係明o左九成九,費事講漏野啦,哈哈,不過總括以言,個講座係講我地依家可以用Lasero黎整停o的Atom,都有唔少o既用途,有趣興自己搵o下啦...
我地經過一個小時八個字,即係一百分鐘,即係六千秒o既垂釣運動及掙扎之後,我地終可以逃出魔爪,重見天日,可惜,一波未平一波又起,我地竟然係中大迷 路,攪到要行路落去火車站,真係好玩.我地之後去o左沙田食雞記,仲外買係羅馬噴泉對去o個條好大樓梯道食雞,真係惹o來艷羨目光...
三月十幾日啦.. 中國語文及文化科Tips...正
如果你上中文堂時,接到一條題目...
中國人在清明,重九等節日進行祭祖的習俗,值得保留嗎? 為甚麼?
Solution:
1. 因為有祖先先至有我地,所以我地係清明重陽等節日,應該去拜拜,表示我地o既心意
2. 中國人係注重道德倫理,而且會較為保守,會為孝道而執著,所以會進行祭祖儀式
你係咪會答以上o既答案?
Alternate Method:(你會唔會咁(敢)答呢?)
1. 清明重九節日,通常都係一家大小約同親戚,浩浩盪盪咁去拜山,因為這個每年都有o既聚會,就算係遠房親戚都籍此機會見面. 對於一o的結o左婚o既人仕來說,是慘痛的,因為小朋友會係依家機會,追返o的新年未比o既利是,你話慘唔慘,真係"清明拜山比利是,慘過落去做XC"大 吉利是...
2. 第二個原因好簡單,就係"o個日一定係紅色,學生放假好招積"
3. 講到拜山,有另外一個名就係登高,大家都知啦! 不過,大家如果有返過落大陸拜山,一定比香港o既難得多,可能要上山下海,非常之咁有挑戰性,所以,咁樣係絕對可以訓練我地野外求生同埋野外定向o既能力,更加考驗毅力同意志,好.
4. 根據愛恩斯坦o既相對論,其實無關...我地同祖先雖然相處於不同o既時間,但係就相處係相同o既空間,大家都算係朋友呀,所謂"有朋自遠方來,不亦樂乎?"所以清明重九這些節日都係比一個機會我地同我地祖先一個舊o既好機會.
5. 根據我地上堂所學o既機會率,男性同女性係依個世界上面都應該係一比一,所以好簡單,如果某地區人口數量突然增加o既時候,對於一個人口平均分佈o既地 方, 女性出現o既機會率就自然上昇. 清明時節,人口都是會密集於某地區,而當女性出現o既機會率增加o既時候,靚女出現o既機會率就自然又會增加,當靚女出現率增加o既時候,我地睇靚女o既 機會就自己增加,當我地睇靚女o既機會增加,我地吸引到異性o既機會就自然增加,當我地吸引地異性o既機會增加o既時候,我地結識女朋友o既機會就自然會 增加,當我地結識到女朋友o既機會增加,我地結婚o既機會就自然增加,當我地結婚o既機會增加,我地生仔o既機會亦都會上昇. 人總有悲歡離合,月總有陰晴圓缺,當我地離開了這個世界時,我地個仔又就會係清明時候拜祭,(請將"如果某地區人口數量突然增加o既時候...."延續下 去 Lim...tends to infinity)所以,清明時節除o左係一個拜山o既節日,仲係延續人類繁衍後代o既一個非常重要o既日子...
三月十六日 星期一 好大霧
又有十幾日無寫日誌,真係唔好意思,依個禮拜都好晏先返屋企,皆因富仔同阿彥都要切水管,其實係切飲管先至o岩. 因為我地Physics學會準備去參加一個比賽,就係一個鬥切飲管o來承著一鑵汽水. 唔好依為好易整,都真係好難因為o的飲管好軟,所以要用盡我地物理o既知識同埋幸運啦! 不過都仲未完成,不過我唸我地好快會成功.
佢地有佢地整,周生做o的更有意思o既事,就係教o的中四小朋友Physics,佢地比個先生教到完全唔掂,所以要周生出馬o來幫幫啦! 而且又有o的機會可以幫自己溫o下書同埋做o下功課,真係拾回返o的信心...
話時話,小珩今日剪o左個好鬼有型o既頭,真係"靚"仔到痺,個個都讚佢有型,唔信自己睇啦...
三月六日 星期五 連瑣反應
又成成個星期無寫日誌,可能無乜特別好寫,不過,今日就有好多事發生o左...
我地參加o左班際籃球,男女都有玩,不過就係尋日雙雙落敗,真係慘,我地今日就打季軍戰. 女仔就係Lunch打,真係又係一埸女子摔角比賽,兩隊都係見波就追,攬o黎攬去,真係打交一樣,不過我地女仔o既戰鬥能力有一萬,而對方就只有九千五 百,略遜些少,結果以少芳一球驚天地,泣鬼神o既入球成功超前而勝利,以六比五這個天聞數字結束球賽...放學後男仔就比賽,我地有得到鄉中最佳男主角- -吹建--率領"最強小龜"與"最高小雞"o既六理,超級夢幻組合隊,當然係與眾不同. 經過二十分鐘o既激戰,我地憑住堅毅o既意志同進取o既精神,輕鬆地勝出啦! 真係仲開心過囉冠軍,個個都咁雀躍.
之後,我地就一齊到o左新開o個間仙茶居道飲野,不過又係珍珠奶茶. 當我地問個老闆邊間先至係正牌野,佢一定話係自己依道啦...不過周生嫌依道比仙跡岩細,所以我地都坐得比較逼,講o下講o下,唔知係天意定係人為,阿張 小姐(你知周生話邊個o家啦)竟然在此地出現,霎時時,張生的表情突變,(小豪佳句:心情忐忑,面無血色)好鬼尷尬,我地就不停不停係佢耳邊講"野",真 係好玩...當我地叫張生請張太..唔好意思,係張小姐,佢就話請都唔關我地時,你睇o下佢幾維護張小姐呀...再之後,又有好笑野發生,就係係阿富哥身 上,因為佢同小豪去o左風水整o左幾腳,所以遲o的到. 當佢地到達,阿富就得返一個對著健社女社長o既位置,所以今次又到阿富尷尬啦!經我地觀察,阿富除o左淨得用佢手上o既紙巾半潛意識咁抹汗之外,就唔識做 第二o的野,而且目光淨係識呆望我地,絕對無望過女社長一眼o家! 當佢杯野o黎o左之後,佢淨係識得飲,仲有時飲o左隻羹道(小豪佳句:借故飲野轉話題,誰知匙羹作飲管),比我地笑到死...而女社長唔知係唔係好熱,塊 面一直都保持好紅,唔通發燒?
再之後之後,我地就唸起我地童心未泯,竟然提議去公園"捉依因"..其實係唔係捉伊人呢?所以我地就去o左個日規公園道玩,起初都唔係個個肯玩,但係此終 都受唔住我地o既誘惑,終於都要一齊玩!我地分開男捉男,但係女可以捉男女,真係唔公平,男仔仲無得 "可",所以完全係速度o既比試,真係好似係道跑一百咁,你追我逐,非常刺激,不過周生唸最好野都係我地可以係o的細路同o的阿婆阿公面前跑o黎跑去,真 係夠晒勇,不過又真係幾好玩!
二月二十八日 星期六 鄉中開放日,回顧做o的乜
話咁快開放日又玩完,真係唔知係好玩定唔好玩,好玩o既當係可以係好玩啦!(咁廢話o既?)因為可能係第一次玩開放日,自然係好玩啦!
前後回顧篇:我地用o左大約一個禮拜去預備開放日o既野,不過就有o的各有各忙,皆因阿富同小珩就要負責Bio Clubo的野,又要同周生同小豪做埋足球學會o既野,真係好多野做,不過都係一o的美術o既東西,好似畫o下公仔,油o下畫,都幾無聊. 而且,仲要畫埋個班個board,真係不斷不斷咁畫. 畫公仔,最唔掂都係小珩,佢不但畫到出晒界,仲好鬼核突,簡直完全唔掂...
講返足球學會,佢地就造o左個自動三百六十度高速超電能多邊可變電阻簽名足球,聽個名都夠勁啦,但係其實只係一個會旋轉o既波,比o的嘉賓簽名留念. 除此以外,我地仲整o左一個全天候選擇性硬卡紙球員卡路土式遠射好勁Q版世界盃,其實又只係一個紙足球遊戲,不過係完全精裝版,除o左球埸有草之外,仲加 設廣告版及超真實龍門,當然唔少得o既就係o的人牆,就係好精心繒製,最重要o既係o的射門球員,個個都著不同o既射門鞋,由Adidas?到Nike? 都有得揀而且隻隻射門力不同,真係紙足球都有學問o家.
除o左球埸內o既野好厲害,外面o既附件都非同凡響,我地有一個全自動o既鐘,而且真係識郁,仲有一個利用物理學精心研究o既Welcome與Goal燈 箱,利用並聯同埋串聯,Welcome的字就會長著,而Goalo既字就會係人地入波o既時候會著, 我地仲整埋開關制. 不但止咁,阿富今次又食錯藥,竟然係開放日前一日,先至話要整一個模型縮影球埸,結果周生要同小豪不斷介紙比阿富做模型.
開放日,人多多:到o左開放日,我地先發覺我地並非足球學會,而係設計與工藝與物理學會o既混合體, 我地只係有塊有幾幅球員o既相話係足球學會...其實,我地所要招呼o既都係自己學生,雖然係自己人,但係其實仲煩,好采周生去o左負責電腦學會o既開放 留倩影,用部數碼相機去拍o下照,然後立即印返出o黎,不過都幾悶,因為都係影相,印相,影相,印相,好鬼死悶,而且o的人又多,圍住晒部電腦...而 且,當有嘉賓同校長入o黎o幾時候,又要打醒十二分精神,快快手手幫佢地影相,又要即印,好鬼煩...
開放日有感:今次開放日,比以往我知o既都好唔同,因為鄉中開放日都係全部o係禮堂,雖然地方比較少,但係會比較集中,好似行花市咁,都幾好. 開放日除o左比到一日我地唔駛上堂o既好機會,當然又會學到好多野,點樣去報置,點樣去招呼人,仲可以睇o下其他人點樣去計設佢地自己o既學會,真係唔 錯. 當然,係道都同其他三蜆講聲唔同意思,因為周學都好似無乜幫佢地手,要佢地連夜趕工,真係好慘. 當然又要多謝東少同啡仔百忙都可以抽空到來看看,真係十分感激. 雖然今次開放日好似好完滿咁結束,但係仲有唔少o既地方可以改進,不過周生唸都好難再有幾會去攪開放日,不過今次都得唔少o既經驗,好過無啦...
二月二十二日 星期日 異異異,大日子
今日係coffee生日,咪同巫婆同埋佢一齊食餐飯慶祝o下囉...點知阿標青又話唔得閒又唔去,攪到我地三人行. 食o黎食去,都係要乞食,真係慘,又要囉飛,又要等位,攪到鬼死咁肚餓. 入到去,周生又囉部數碼相機出o黎玩,巫婆一手就搶o左o黎玩,竟然係反轉個鏡頭o黎影自己...真係得人驚,仲話自己要扮淑女,簡直影嚮市容啦. 食完野到找數o既時候,個數目真係得人驚,唔係個銀碼大得滯,而係個價錢竟然係二百二十二個二,真係好多好多(異)---有單為証 不過,更厲害o既又再發生,周生再唔知係故意定唔小心,囉個餐牌o黎一睇,嘩二十二號檯...真係無野講,所以周生就話依一晚係異異異,開心咖啡生日小派 對大日子啦!
二月二十日 星期五 好潮濕
好耐又無寫日誌啦!係依一個禮拜,都係發生o的普通o既事,最特別o既事,我唸都係我o地個波爆o左o既事....
這是阿富的話:o個日佢仲好好地o家...點知會咁o家...嗚...嗚..佢仲係年少無知...咁後生就去o左啦....!唉...
這是小珩的話:佢死得真係慘啦!我個叫o左小心o的過馬路o家啦....!佢又唔聽...!唉..!
這是小豪的話:呀..呀...(悲壯地),佢只係陪過我地幾日咋...估唔到咁快就...當我再見返佢o既事候,佢已經...
這是周生的話:我仲記得o個日佢同我地o係茫茫,翠綠的人造草的地上,同我們一起奔馳...(懷念著..懷念著)
二月十四日 星期六 情人節.....
今年o既情人節簡直是最無聊啦!因為尋晚蘇豪同周生去完隊啤之後,佢話太夜不如去我道打機,又係打o個隻..你知邊隻o家啦!不過咁夜打又真係幾恐怖,不過我無耐就訓o左啦!所以,情人節都係係屋企打打打,所以就同蘇豪過o左一個打機情人節啦!
二月十三日 星期五 大尾督霹靂恐怖夜...
係咪好驚呢?唔駛驚...今日阿黃炯仁唔知點解會無端端會叫我o地去燒野食,仲話要去大尾督添,你都知啦!今日要返學,即係放學先至去得,去到都成八點 啦!去到都覺得好無聊,都係普普通通咁燒野食,無乜特別呀...不過,我地燒完野食都去o左"隊啤", 周生同蘇豪都無乜點飲,淨係係道玩骰仔,玩到頭都大埋...
二月十一日 星期三 見血
今日周生又做一年一次o既事...可能係人生中最有義意o既事...blood.gif (7287 bytes)見到依個小襟章就知周生今日係學校捐血啦!捐血救人呀嗎!!周生今次己經係第三次捐血啦,都有一定o既經驗,不過,最有趣o既唔係捐血,而係 尋日o既一個捐血講座,個講座有套片好好笑,竟然會見到我個聖芳同學楚楚,佢都有拍過幾個廣告,記唔記得Pizza Hut有個廣告,有個靚仔,係"靚",唔係靚,你明周生講乜野o家啦!!(話"掉轉讀呀!!"o個個呀!!)佢竟然有拍紅十字會o既捐血片,仲有"謝檸檬 "添...真係又好笑又睇. 講到捐血,周生其實係有"預謀",就係可以捐完血後扼野食..又有野飲,又可以唔駛上堂,真係一舉三得啦!不過,周生教你一o的捐血"必殺技",就係捐血 o既最好時候. 通常捐血會係大約第三第四堂進行,即係應該係小息之後捐o既,周生提議你係小息完o左大約三個字至半個鐘去捐,點解呢?皆因你如果太早去,會太早捐完就又 要返去上堂,但係太遲去捐,又會可能到你o既時候,已經係Lunch time,o個陣你就捐埋個Lunch出o黎...你話到時點?所以,周生o既提議可能都幾有用. 話時話,其實如果你夠"秤"(ching),就去捐o下血啦!因為捐血又可以救到人,又可以當走堂,最好當然係自己會好開心啦!...
二月九日 星期一 .....
今日終於都要再咩返起個書包返學,雖然好似幾辛苦咁...又要神咁早就要起身,不過返到去見到好耐無見o既同學,霎時又好似有千言萬語要同佢o地講,同佢 o地講o下今個假期做過o的乜野,逗到幾多錢利是呀..打爆o左邊隻Game呀咁...真係不斷不斷咁講...放o左學,又做o下我o地平時會做o既事, 就即係走o左踢波啦!不過唔知係唔係自己老o左(唔係掛),定係好耐無掂的波o既原故,好似無氣咁...唉!不過算啦!今日先至係下學期第一日,慢慢來 啦!
二月七日 星期六 最高溫度15度
整o左好多日網頁啦!係唔係靚o左好多呢!不過o的背景顏色又真係幾難整呀..不過依多攪掂o左又幾開心...
記住幫我簽GuestBook呀....!
二月二日 星期一 好似暖返o的o咼^_^
好耐無寫個日誌啦!今日就講晒周生依日內做過o的咩野啦!
驚o下驚o下咁樣,就打爆o左Bio Hazard 2,嘩個最後最後大佬真係好鬼死核突,佢條利伸o下伸o下,真係唸起都想作嘔呀! 不過個Ending又真係好正,周生唸差不多有成個字o幾CG, 真係嘆為觀止呀. 總括來講,這個Game是十分掂,睇爆機後o的工作人員就多到赫親你啦!周生絕對推介BH的.
Hmm....跟住就唔係咁記得做o的咩野,記得上過巫婆屋企打o下牌啦!你睇o下呀,周生依排真係已堪入極之無聊o既狀態啦!
本來周生寫緊工作室,要o的Linko既info,所以就到各大isp睇o下人o地o的網頁啦!以為普通人寫o既網頁一定好普通啦!但係差o的赫到周生, 有好多好靚o既網頁都比我找到. 有o的簡正是超正,好有Style,o的顏色又落得靚,o的圖片有精美...最令周生目定口呆的,原來好多都係女仔寫o既網頁,雖然娘就係娘o的o家啦! 不過真係漂亮非常!你不妨自己都好找一找呀!周生就搵到一o的女仔(唔知係咪自大狂),放晒自己o的相上去,唉....不過又唔係咁講o咼!o的女仔又唔 係好差o咼,又o的仲好靚添!攪到周生急不及待搵o下有無icq no. 立刻識o左佢,真係幾好玩o家,係屋企無野做試o下咁樣玩o下呀!
除此以外,周生依幾日仲不斷去改善工作室o的料o家!好似加o左o的ispo既資料,希望工作室能夠不斷創新啦!!
一月二十九日 年初二 持續凍啦
今日年初二都無野做,係屋居寫o下網頁呀...訓o下教啦!好無聊呀!!!不過夜晚都有o的野做,就係睇煙花啦!今年出面個天氣都幾好,幾清楚,而且又幾靚呀!
一月二十八日 年初一 凍到都唔識講野啦...
先祝各位虎年進步,今日唔知點解咁無聊,下晝出o左去同佢地睇"行運",不過都好,套戲比我想像中好睇,又幾攪笑,我o地都應節呀...
不過唔知依幾日有o的咩野做啦???
一月二十一日 星期三 又凍又大霧,乜都睇唔到
今日係試後活動o既日子,智社今日淨係得女子籃球,我o地當然係贏o左啦!不過聽日就係男子比賽,好彩周生唔駛打,希望我o地可以再接再厲啦,又贏啦!
一月二十日 星期二 彊硬
周生今日唔駛返學,就同埋中六理班o的小朋友去o左睇戲,不過我o地睇得好有趣,一班就睇鐵達尼號,一班就睇舊年暑假攪乜鬼,真過癮. 不過,你都知啦!兩套戲o的時間差咁遠,咁我o地睇攪乜鬼o個班就趁未入埸o的時間去歡樂天地道拋o下波波,玩o下啦!點知阿炯仁兄好似上o左身咁!幾個 銀仔就有三百幾張飛,所以我o地就換o左隻熊啤啤公仔啦.
講到套戲就麻麻o地喇!唔知係唔係周生都好耐無去戲院睇恐怖片,還是依家o的恐怖片唔同o左STYLE,周生覺得一o的都唔恐怖,只係靠o的大聲赫人, Bing Ling Bung Lung咁,就係得一招,攪到周生好眼訓......不過,我o地班o個個朱小姐就赫到左閃右避,仲一頭頂親炯仁兄添,真係攪笑. 令外呀秀雯姐,睇完鐵達尼之後,喊到fi li fe le,所以我o地送o左隻熊啤啤比佢喇! 睇完戲,我o地就返返大埔打邊爐,果然咁凍打邊爐係有另一番風味呀!
一月十九日 星期一 無法彈動
今天的奇遇不是發生在周生的身上,而是發生在蘇豪身上...
話說當選民登記完結之後,我o地都可以囉到我o地那得來不易一千大元. 前陣子,周生已經收到一千蚊的支票,而蘇豪就選擇親身去囉現金. 周生所以今日去o左匯豐囉錢,等o左條龍成半粒鐘先等到,但係個小姐竟然話我o個張係劃線支票,一得要入戶口,跟住我就比蘇豪勁串啦! 之後,周生就再同蘇豪去o左大埔政府綜合大樓道,又排隊囉錢啦!我o地去到,只係見到一班阿婆阿公係道排隊排到出門口,唔通阿婆阿公都做選民登記?問完o 的人,就點o左我o地去邊道邊道四號窗排隊,我o地原來真係要同阿婆阿公排隊! 阿婆就囉公援,我o地就逗人工,點知排到竟然無四號窗,不過哩o的都係題外話,蘇豪跟著就滿懷希望去三號窗去囉錢啦!誰不知,精采啦!竟然個小姐囉張劃線 支票出o來,蘇豪頓時感到失落..沮喪,就著就輪到周生串死佢..haha...
事後,三八追擊組訪問蘇對該事之意見,他嘆息說:政府o既o野係信唔過o家..呀..
一月十六日 星期五 震震
今日震到都無乜o野講,可以講o既只不過工作室又要大裝修...周生今日因為唔駛返學,所以哩埋係屋企寫網頁,遲o的再講啦...
一月十五日 星期四 開始幾凍
阿富日記:這是阿富今日的經歷---阿富今日放o左學,想話約返幾個同學去踢波...當佢上o左小巴,佢今日o既黑色仔記,就由依一刻開始啦!阿富懷著興 奮的心情,遙望田園的花草樹木,突然間,小巴將要經過Block,阿富才知自己o既身份證無故失蹤,o的傞佬當然唔會咁順坦就咁比阿富走啦!玩o左佢一 輪,又要睇學生證,又要睇乜睇乜...如事者阿富比o的傞佬逗o左三次...
當佢千辛萬苦低達上水,想話去銀行噤機買返對新波BOOT去踢波,部機唔知係唔係幾日無食o野,竟然連阿富張咭都食鬼埋,阿富當時目定口呆,不知所措,十 o下十o下就行到球埸,我o地就一齊同人鬥波,阿富自己都唔信自己咁黑仔,想搏o的o來入返幾粒同我 o地交代,誰不知阿富救波過晒火位,頂波頂入自己龍門,我o地當然罵到阿富七彩啦!不過聽完佢今日發生o既事,又真係幾值得同情嘰!唉....可憐可憐小 富仔...
一月十四日 星期三 局部地區性狂風驟雨
考完試後天陰陰,返到屋企訓返陣.
周生今日又訓o左好耐,食飯先至起身.不過今日都幾難忘呀!因為標青堡已經再道進化啦!利用Frontpage98o既新科技去從寫標青堡,內容最震撼都可算是巫婆玩上網,其實對周生o黎講都唔係咁出奇,因為周生一早都知到囉,而周生更接受標青堡堡主標青o既訪問.
話時話,睇到阿東個網頁關於考Listening,我都有同感,真係好似估領袖咁,人o地一揭o既時候,你又會跟住揭,真係幾有趣o家. 所以第時真係出到去考試,試o下用依招昆人呀,睇o下有無效!周生講笑咋. 啊!我忽然想到,既然周生同標青都識網頁,遲o的不如一齊寫o個個好耐都未寫到o既中五孝同學會o既網頁,一定會係一個史上最壯麗o既網頁,周生好期待依 日o既來臨o家!!!
一月十三日 星期二 天睛
因為聽日考oral,所以有時間去寫o下日誌. 今日都有個話題,就係發現一o的香港人o既特色:唔知大家有無試過lunch去搵位但係好難搵呢!周生又講廢話啦!肯定有試過啦!!但係,大家又有無發現 有時去搵位時,o的位又唔係有人坐,只係有個bag或者係個書包係道,而唔見o左個人呢?今日周生就做o左個實驗,就係如我所講,擺個書包係o的空凳道, 就當做霸位,但係我o地當時經已搵到位仲食緊飯添!不過當時間大XX快店已經係食晏時間,好鬼多人迫埋o係道. 我o地留意到o的人o的眼光虎視眈眈,望住晒我o地o的書包,我o地當時好鬼不知所措,如果即刻去(手羅)返個書包,肯定會野o來艷羨目光,唔(手羅)又 驚個書包比人throw it away,所以不敢輕舉莽動,周生就襯大家o既注意力稍分散o既時候,我就用周生驕健而敏捷的身手,飛奔過去奪回我o地個書包,整個過程雖然只係用o左兩 秒三八,但係就足以令周生心跳加速,汗流裌背.
由此可見,淨係擺你個書包或者o的Bag係o來霸位都唔係幾好o幾,o的人見到都會幾谷氣o家,周生唸你自己都咁o既經驗啦!不過個故事仲未完o咼,當我o地回頭再望一望頭先個位,竟然比兩隻MDuck坐o左o咼. 唉!唔通依o的就係香港袋袋霸位法?
一月十日 星期六 太陽出o黎啦!
一大朝早就比蘇豪拉o左去跛波,踢到死o下死o下咁,不過我o地跟住就精采啦!因為終於都可以試o下駁埋兩部PSo黎打雙打.講真呀,又真係幾好玩,兩部 電視機夾埋o的聲,攪到工作室好似機舖咁,真係不成體統,但係又真係好鬼死刺激!不過o的對手就差o 的啦,幾招就比我消滅,周生都話自己係超能人o黎o家啦!呵呵呵呵......
一月九日 星期五 道教之日
考完試放o左學無o野做就去o左踢波,不過o黎排阿富都幾黑仔,尋日先至踢踢o下波仆親仲扭親隻手,今日有唔知點解又跣親幾鍋,真係唔好采啦!所以周生成 日都講踢波時都要唸返"庖丁解牛",我地要緣督以為經,仲要依乎天理,因其固然,即是話踢波時唔要同人地硬去追返拼,再深入o的講句,即是話扭波扭失o 左,就唔好追啦. 見到人o地好大隻又攻緊埋o黎,就唔好去攔截啦,咁樣就唔會整傷自己啦!不過,你咁樣做,就等如一個球埸上的廢柴,仲可能有比人打死o既危機,所以要以我 們道家思想的---中庸之道來取得一個平衡呀,小心小心...
一月五日 星期一 小雲
o黎倫我唸都無乜特別事情會發生啦!因為都就o黎考試囉!周生可能要行開幾日o黎溫o下書囉!遲o的見啦!
一月四日 星期日 厄爾尼諾現象之剛果驚魂
今日都無乜時事有建設性啦!惟一可以談o下做功課o既. 周生因為要做讀書報告,就所以要借書o黎做喇,不過我只不過係找o左個書o既作者同埋出版商個名,因為我借的是 CONGO, 即是剛果驚魂,周生就利用最新的多媒體方法去做,就係一路用電腦播VCD一路用電腦打,都幾鬼好玩o家,你都試o下呀!
一月三日 星期六 有太陽o掛
今日唔知點解"神咁早"就彈起身,可能尋晚發o左個甜夢啦!不過一起身就比阿簡生攪到好鬼清醒,因為佢話我們的小學同學阿梁xx因為佢個唔知阿爺定阿伯大 壽,係外國返o來o咼. o的人真係有$$呀!大壽都有要返一返o來. 所以佢就叫簡生同埋我同埋一o的小學同學一齊去一去聚餐啦! 不過又係去"乞食",o的pizza又係o個o的款,真係無乜新意!!
一月二日 星期五 有D雲
唉!!!!竟然今日都要返學,周生都厲害啦!又同自己通頂,都只不過係係道做返o的英文功課,話時話啦!o的功課並唔係假期功課,而係假期前o的"舊賬",真係慘啦!依家先o來清o的舊賬,o的假期功課都唔駛點問啦!都係祝自己早日攪掂喇!
一九九八年一月一日 星期四 睛
今天是九八年的第一日,但周生可能已經係個假期玩得過晒火位,攪到自己都不能再支持落去,惟有乖乖地到休息一下,這一天真是一個好訓的年頭啦...
十二月三十一日 星期三 睛
周生今日破o左自己紀碌呀!真係好鬼勁o家,就係有二十九鐘無訓呀!犀利o掛!haha!唔信呀!我講比你聽我做o的咩o野 o黎啦!
1. 下晝五點起身(係十二月三十日o既下午五點o咼)
2. 跟住寫網頁
3. 到o左大約子夜時份,周生幾乖呀!竟然執房呀,執o左都好鬼耐呀!因為真係好鬼亂呀嗎!
4. 大約執到早上七點幾鐘,就去食早餐啦!之後返顯記補課!
5. 周生都真係幾無聊,竟然係第二間學校做自己o的功課o咼...
6. 跟住見到有人係道踢波,又整返幾腳啦...
7. 等到佢地補完課,已經是點半喇!跟住就去食飯飯啦!
8. 食完魚柳飽之後,佢地就上o黎工作室唔知做咩野...玩到大約夜晚九點幾(當時十二月三十一日啦已經),我o地就出去食飯啦!
9. 之後周生已經精神超越肉體,到o左真正的極限,連倒數都睇唔到就訓o左啦!...唉!
係咪好精采呢?連周生自己都唔想自己有咁強o既潛在能力o家!!
十二月三十日 星期二 多雲
周生今天仲係寫緊個homepage,加返o的o野,改返o的o野.不過見到自己個網頁完成得三三八八,心裏不禁有些振奮,有些激昂,(心想:依家個網頁 都有o的o野睇啦!!).不過有就o黎返學校啦,有要考試,唸到都怕怕啦!不過唔考都到考o家啦!都到頂硬上o家啦!今次都係要拜o下神喇,廢事攪到科科 都見紅啦!不過周生係靠"食力"o既!唔駛禁迷信啦!!
又就o黎過九七呀!睇返今年都識左好多人,結交到好多好朋友,真係幾開心o家.得閒就同下哩一班去街,得閒有同o下另一班o咼,生活先唔會咁枯燥o家嗎!係咪!
十二月二十九日 星期一 睛
周生終於都把工作叫做完成啦!不過就好鬼(支力)呀!!而且一唸到仲有好多功課仲未做就唔知點好啦!希望哩個新年假期長o的啦!如果唔係就交唔到功課啦!不過周生好似禁大個仔都未試過假期後交齊功課o家!(唔好講比人聽o咼)haha.唉!真係唔知點好囉.......
沒有留言:
發佈留言