5-11
今日無端端聽返無人駕駛添,聽到好多會考生打電話上去講野,個
個都話好驚,唔知點算好,因為聽日就考Physics,諗返起周生考Physics
都好驚o家,因為Physics依家野,除o左平時要好多o既練習,留心上堂,
多問多諗,仲要臨場發揮得好,先至有好o既成績,考o個日到試場又要定,唔
好似羅拔臣o者喱咁,震騰騰,睇到人地溫,你又溫,攪到自己失晒魂,小心小心
5-22
好快又一個禮拜,自己問自己都唔知做過乜?其實都有野做o既,起碼都有同agnes同埋
阿超開過網頁班,我地班又開過幾次會,講o下班刊o的野. 係咪唔知周生講緊乜呢,
之前講o既網頁班,其實就係我同阿東教我地o的friend整網頁,當然係唔收費啦,
阿東仲諗埋一o的practical比佢地做,咁我地又點睇到佢地做成點呢?講起o來又好
攪笑,因為阿東帶o左一塊可以TV out o既display card上o黎,佢地就係房入面做
practical,我地係駁部電腦係出面睇,一路睇一路笑,見到佢地做錯野,又緊張,又
同情,又剌激,真係幾過癮,不過o個感覺都有少少偷窺o既成份,不過無緊要啦,最
緊要好玩呀嗎!咁班刊又係乜東東呢?班刊其實我地以前5a班一齊攪o既一本班刊,
內容都係圍繞我地校園o既趣事,又有一o的朝流資訊,加上一o的我地好用心做o既
同學訪問,可惜到今日都仲未出到Vol.2(之前已經有創刊號同vol.1),不過我地o既
資料都七七八八,相信好快就會攪掂.另外,其實我都仲有做好激o既相法,就係...
下次講比你聽..
6-4
又有成個幾禮無打日誌,真係唔知點解時間會過得咁快,咪住,都係講返上次件事先,我地打算將我地班以前去Camp拍view cam o既片段,製錄成VCD!!係咪好正呢?仲加送一本我地班o既金裝紀念版o的同學資料,都算係夠新意啦掛?周生為o左依隻VCD,都忙o左一排,因為周生 想學埋點樣可以剪接,加埋一o的特效同埋字幕真係好好玩呀!!周生仲想將我地首班歌Because you love做埋MTV...wow...真係諗起都開心!!不過...世事有無咁如意先?不過周生會好努力o家,因為周生有一班好好o既朋友,好幫得手,尤 其係阿東,佢真係係班o既事務幫o左我好多好多,好多時有好多好少o既事情,唔係得佢提醒,都唔能夠做都咁好^_^ 班刊o既第二期周生經已完成o左啦,係欠印依個step,我諗好快就可以比到同學^.^真係開心啦!!
講完班務,不如又講o下周生o的私生活啦..(hehe~~係咪有料爆先?)無呀...周生依排唔知做乜鬼鍾意o左玩結他機,日打夜打,就o黎打死自己, 唔知你有無玩過呢?不過等周生介一介比你啦!結他機其實係一部遊戲機,其特別之處莫過於它有一枝"假"o既結他比你彈. 何謂假呢?哦...其實o個枝唔係真係結他o既結他,起碼佢無玄無共鳴箱,咁又問,點玩法呀?哦..又其實佢呢...本來你彈玄o既地方變o左一個制比你 彈,而噤玄o既地方就變o左三個制,咁當你入錢開始後,你就依螢光幕o既指示,噤住某個制去彈. 咁話時話,又有乜好玩呢?咁當然首先o的音樂夠好聽先啦,而且周生覺得個玩法又真係幾新奇,有o的歌會好多音,要彈得好快,所以有時會幾爽,好有快感同埋 滿足感,得閒try try,真係唔錯
6-7
現時已經係零晨二時四十五分?
做乜?九號烈風訊號現正懸掛?
佢...直吹香港...
你...驚唔驚???
其實周生本應想講o下我地個謝師宴,不過先報告天氣先.
周生今日(六月六月)訓o左成日,訓到成夜晚十點幾,一起身就經已三號風號啦!真係天有不測之風雲,估唔到,到o左點幾,立刻又掛o左八號喎??真勁,跟 住係兩點九,唔敢相信o既事實終於又發生啦!聽到收音機:九號烈風訊號現已懸掛...嘩...有無咁勁?真係咁勁,周生聽到都有o的心寒,因為o的風經已 吹到呼呼聲,好鬼驚,出面有唔知乜野好嘈,睇到o的樹又吹到"咩"晒,個風果然唔少野,不過,周生都唔知聽朝學生哥駛唔駛返學,都知佢地好想唔返啦!就周 生覺得,雖則聽朝可能經已唔係掛九號風,但係雨就應該勁落啦!所以都係不返學為妙啦!!不過,周生希望大家唔駛返學咁開心之餘,都唔想其他無家可歸o既 人,都有一個安全o既地方可以躲避,小心小心...
好啦!風暴就講完啦..o翕風又講o下啦,話說周生係六月五日要去依個謝師宴!周生除o左做一個同學之外,仲要做一個司儀,不過今次有成四個司儀一齊講, 所以周生o既工作量都不多. 我地除o左食野(自助餐---o的野食都唔講,幾正!)當然唔少得有o既"好好玩"o既遊戲啦!哈哈!有一個係要用百力枝,去傳水泡餅,咁點玩呢?大家都 知水泡餅中間有個Lung,就係用百力枝穿落個Lung之後傳比第二個,難度其實幾高,因為個Lung幾細,唔能夠比兩枝百力枝同時穿入,所以要凌空交 餅,絕對無乜可能...所以我地都要暴力地擴大其Lung,先至玩到...另外,有一個係估歌仔o既遊戲,唔好以為好似平時o既估歌仔一樣,今次係派一個 同學出o黎,佢當然係聽音樂,不過就唔係唱出o黎,係用其身體語言做動作做出歌詞,其實同學負責估,依個遊戲係我同小豪負責,我地經已搵o左一o的比較易 o既歌曲,但係無奈同學想像欠佳,其他同學所以估唔到囉...今日謝師宴,因為只得三個先生o黎到,所以周生覺得都少o左少少氣氛,不過同學都玩得幾投 入,幾開心^_^,希望大家以後都斷續緊密聯絡啦!
沒有留言:
發佈留言