2004/03/25@巴士 [posted by ppc]

2004/03/25@巴士
周生係一個好難悶o既人,成日都?到好多野玩,無論係打機,唱K,依o的比較唔"正經"o既活動,以至寫programme,睇man page,我都可以好熱衷,有時做功課,返工,只要搵到好玩有興趣o既地方,周生都會好用心去做,唔會話因為係工作就懶懶行,哈哈。
咁樣睇唻都幾好呀,又唔容易悶,又容易搵到好玩野,應該都幾好。但係就因為咁樣,周生做咩都太即慶,好可能三分鐘熱度,無咩恆心。
近來周生都要成日搵工,發覺自己又係覺得好多都有興趣,都想試下,咁搞到自己都唔知做咩先至最o岩自己。最慘o既係,都唔知個resume寫自己最鍾意係咩,你知o老闆係睇你咩係最掂,最有興趣,斷唔可能話自己番番精,樣樣醒o家,所以,多野玩同多興趣都未必係好事,除非樣樣勁爆就無得講啦。