2002日誌 v_v

12-09-2002
今日終於的起心肝去寫返個工作室, 真係放低o左好耐. 其實真係有好多野想寫, 想同大家分享, 但係總係想一次過改晒個工作室先update. 咁樣會快o的, 期待...

05-10-2002
又成個月無日誌, 咁唔掂...~.~ haha
今日都實在幾難忘, 因為可以同幾個朋友去唱K, 當然唔係一般o既唱K
露露,ftpforever

07-10-2002
今日周生又好無用, 做乜鬼訓到咁晏先起身~.~ 本應可以早o的起身做野, 硬係係道hea又乜都唔做>.< 算啦...依o的都係周生o既性格唻, 無乜得改...慘 [2002-12-07 每日一誌] 唉..發夢again 本應日誌應該放返係周生個網頁 (周生諗大家都唔知去過了沒有)XDD不過放係道都唔錯..由今日開始...試過依道post..^^等多人o的知道周生發生o既事先..呵呵呵~ 十二月七日 倒塌咁早五時三刻 幾熱o下...@@ 唔知大家有無試過....發夢成日返返以前間中學 周生今日又發返返去以前間中學... 當然仲係一個學生身份...XDDD 因為周生學校好嚴的~~~~遲到o既同學都要罰企一堂或更多..睇你遲幾多...咁周生發夢就係遲到..所以都唔想返學..但係唔知做乜鬼有個以前同學就係咁叫我"返啦"~~ "今日唔同o家" 今日唔會捉遲到...周生心諗..唔係掛..咁high???好少會咁...咁感覺到..個陣似係lunch..就多數唔係朝早...仲知道上面係上緊周生最怕o既英文堂..@@ 咁好勇咁樣入到去...(好似三條友...一個係周生個好friend..一個唔記得係乜二打六) 一入到去..其實都唔想上堂..因為"佢話" (個個二打六..好似) 話上面講緊份功課..但係周生知道係有交的..@@ 雖然好少會交呀~~唔好講笑...不過佢地好似話無交..費事上去比人插..(得閒要買o的靜心比個missy) 所以..周生就一個高速o既步伐..走在時代尖端 <- 無關係的.. 咁就提議走入廁所吹吹水...咁兩條友都話好..當然我地要避過o的訓道 (訓係道o既) 老師o既法眼..以一個高速o既步伐..走進廁所..周生都唔明個男廁做乜鬼大o左咁多(雖然係更衣室..但係仲大過周生個五千尺花園..都真係咪講笑) 依道時間感好短..好快o既時間換o左第二個view 個view就係有好多二打六...(真係好多..唔知乜人) 係個男廁道暴走 (當中唔記得有無涉及女性及裸跑, 總知個個末路狂奔, 打晒圈咁跑) 跑到個場面實在同前無古人後無來者~~好驚嚇.. 之後好攪野...周生發覺o的問題同個friend講... 周生: "你睇o下..個個係邊??" 佢: "咪阿XXX囉" 周生: "嗯..好..咁唻緊依個呢???(當然係第二個人..因為唔同衫的..周生又唔明做乜個夢要做到唔同)" 佢: "咪阿XXX囉" 周生: "又係XXX???咁多個XXX??" 佢: "依..?係喎...我鬼知" 周生: "頂你.." 之後周生用自己最熟o既天馬流星拳將其一個XXX捉住並審問佢~~~問佢做乜有咁多個XXX..我地懷疑佢已經生了仔..仲生個同自己一模一樣o既飯桶出唻~~ 咁之後周生就可能接受唔到一個咁o既夢而醒o左..以免出現更多XXX~~ 依個夢, 就為一個平凡星期六帶來無比新意~~XD 十二月八日 訓到傻o下傻o下 冷峰都來了~~~ 今日發o既夢離不開都係返學...不過周生返唻返去都係中學...都真係無乜進步..仲係唔知係一間乜鬼中學..(我一定無去過) 個道上堂..不過個先生竟然係大學o既lecturer..同周生一齊讀書o既靚仔patrick一定知邊個..佢就係無敵奄賊..此名何解???? 奄者奄人也, 賊者狗賊也....真係唔咪講笑...依個奄賊係學校係教數的....(依家講緊係真實野..唔好再發夢..) 依個粉條人仲係要教probability...教到無人明..好..依個唔怪佢..因為都無乜可以聽得明....何解佢要叫奄賊呢?? 皆因佢講野高八度..個人又唔高..又肥o下肥o下....一個百份百感覺o既公公..真係要唱返首劃火柴先....唔好講笑.....公公阿麼.... 咁點解我地又咁憎佢??? 依個粉條人係我地考試完先唻料...有個friend因為個grade唔好(即係o岩o岩合格個隻囉..好慘o下)..咁咪上去同佢對質....個個奄賊又好威...肯比份卷佢睇...但係有成六十幾分...六十幾分對於我地唻過就唔係話好高...但係都唔至於係個grade咁差...咁所以我個 friend都好奇..做乜比個咁o既grade佢~~個奄賊一句就話: 個分...同你個test唔一致....@@ 周生聽完都諗爆頭..咁佢係咪拎個test分唻比grade???? 咁不如唔好考試...除o左依個friend..其實周生仲有好多同學咁慘o既經歷...當然包括周生-_-... 所以奄賊個名就咁樣唻o左~~~~ 係時候要講返個夢..@@ 其實發個夢同佢無乜關係..只不過頭部份唔知點解出現奄賊..@@ 可能因為驚考試..(不過又無乜可能..XDD) 後半部份實在有趣.....竟然出現大面獸...大面獸好得人驚.....>.< 都係唔好講發生咩事...想知就親自問周生..嘿嘿嘿 十二月九日 凍~~~~~~ 真係夢就成日發,騎呢非常常,今日為大家介紹周生o既夢係全力推介的. 要發一個好夢,除了有先天o既想像力之外,當然張床都好重要,好舒適先得@@ 今日周生依個夢係一個慘痛o既經歷...>.< 話說周生今日去遊車河,無奈的,架車唔係一般私家車,竟然會係大家係玩具反反城睇到個o的玩具車,即係好細個玩個o的呢,細細架個o的私家車. 當然,架車無咁cheap,唔駛用腳踩,都係可以比油佢就去,仲有brake添,死未. 架車仲要黃咁咁,渣依架車實在型到痺. 不過無端端有個friend問我借車唻渣,周生都未必識佢,所以都唔可以叫friend,但係就有o的憎佢o既感覺..haha..好無奈地,周生都比o 左架玩具實佢渣. 佢條友就係咁踩油,巴巴聲咁去,鬼死咁快,咁周生就唔知點解可以幫佢rake,同埋係咁叫佢渣慢o的,佢就撞東撞西,好在唔死得. 無端端,又撞o左入一個地方,裡裏好靚o下,樓底都唔高,好矮o下. 個部似乎係一個買精品o既地方,似一o的西九龍中心o的車仔精品咁,不過周圍就好暗o下,唔太光. 咁同o的friend就走o左一間野道睇野,都唔知睇咩. 周生就無端端坐係一邊無睇,咁無聊,但係就無端端頭暈身慶..@@好辛苦咁..(發夢都病?) 可能太凍吧..haha..但係個舖頭個人就衝出唻叫我唔駛怕..@@ 佢入面竟然係可以醫人,入面o既儀器同醫院咁@@叫周生埋去醫醫. 周生一埋到去,就比佢捉住打支針係手指~~嚇到傻(打針好似唔會打手指掛..@@),佢話係痲醉個喎..咁周生又比佢打比. 佢打完又話要打多支,依支先至係堅料,今次打手,都還頂得住...之後,佢又話要打多支..周生頓時想頂佢,但係周生個心又想快o的好...佢仲話要打 patpat..@@仲推我埋牆,禁住周生...周生即刻話句平時唔講o既說話:"唔打針得唔得o家~~~" 你諗o下,你有無試過比人禁住打patpat..@@嚇死...ok la...周生就比佢打..佢打完又話頭先個支係試位..依家先係唻料..@@唔係嘛..>.< 好彩有個電話打唻,嘈醒周生,先可以逃過依個?