教書的一天 (下集)

第二天好早好早的返學...今日習慣好多, 起碼都識得行都埋熟路o的, 又識得上去教員室...

返到去都幾開心, 因為頭三堂都對住班1C...起碼人少o的都唔駛咁勞氣, 佢地都算乖~~就係多野講o的..不過有四個班長同我做野..哈哈..之前又有miss o既指示..咁起碼我知道做咩..^^

終於都試o下教書, 之前真係無諗過教一年班係咩一回事, 同佢講咩做咩真係諗唔到..咁就同佢地讀課文...真係好得意個感覺..頓時你會好似一個指揮家咁..可以叫佢地做咩就做咩...讀埋就讀咩..佢地都讀 得好開心...我又講得好開心...之後又教佢地寫o下字..注意o的中文字點算...咁好快就落堂啦..^^

改薄其實都幾好玩...可能係改得少..玩玩下就好玩...好多都重覆..大部份都唔駛點改..因為都做o岩晒...咁可以玩o下cup印仔..又要自己比o下grade..有趣有趣..

教四年級係幾辛苦的..前一日真係控制唔到..教書又唔知點教...今日都係亂咁唻...問佢地o的問題..解釋比佢地聽..周生實在太academic..好多時都講得太遠..解釋得太多..haha..越講越唔明..唉唉...

同1C食飯係幾開心的...好似真係做o左佢地老豆咁..要做家長..周生覺得依家o的小學係好o的..因為老師同學生o既關係係好o的..起碼 有時間同佢地一齊食..周生仲同佢地傾偈..佢地真係好有energy..講極都要講..好主動...^^..所以其實教一個人從佢細個教得好就好..因 為佢地對好多野都好有興趣..就睇o下你用咩方法同佢地講. 周生會講得佢地比周生細個真係差得遠...雖然周生仲有o的係讀一年班o既記憶..個時真係好薯..都唔active..haha...有o的同學真係好 乖..又聽話..又識自己做功課...所以都好希望佢地第時讀書都叻..^^

其實兩日放學都要幫o的同學仔上校車...佢地走住都會叫..周Sir拜拜..真係幾開心的..^^..最得意係...最後聽地佢地合唱團唱.."難為正邪定分界"...